Velkomen til ei god førjolsstemning!
Det blir jolekonsert i Nystova på Syrtveit med servering av heimebakst og kaffi, samt salsutstilling av kunst; måleri og litografi. I det nye stabburet på garden blir det tekstilutsal av designklede inspirert av Setesdalskofta, med meir.
På gardstunet blir det jolemarknad for gjestane og god tradisjonsrik jolestemning og tende ljos. Du får servert varm gløgg og pepperkaker. Rundt bålpanne, faklar og joletre ventar lokale nisjeprodusentar med kortreiste jolegåveidèar.
Hos utstillarane i jolemarknaden kan du mellom anna finne: Diverse heimelaga mat og jolebakst; småkaker, kransekaker, lefser, flatbrød, dekorbrød, moltesylt, honning, salte mandlar og sirup med meir. Dørkransar og trearbeid. Ulike tekstilar innan sying, hekling og strikking, bivoks-produkt, ullskinnfell, lykter, hand-støypte ljos, smijernstake, sauebilete, såper, tenn-brikettar, heimestrikka sokkar, tova sitjeunderlag og sitjeunderlag av saueskinn, vesker og votter, gryteklutar, nissar og englar med meir.
Risdal Touring vil frakte publikum til og frå «Jol på Syrtveit». Med bussavgonger frå heile Sørlandet, kan du bli med på denne førjolsstunda saman med oss. Om du blir med på dagstur/ full pakke hentar vi deg nær der du bur. På veg opp vil bussen ha ein stopp i Evje sentrum for å nyte joletallerken med dessert og kaffe, og det blir tid til litt jolehandel med stort butikkutval. Alternativt kan ein parkere på Evjemoen og bli med bussen til Syrtveit for jolekonsert og jolemarknad, uten middag. Om du kjem åleine, eller har med deg familie, vener eller kollegaar, så vil dykk kunne hyggje dykk i koselege omgjevnader med god tradisjonell jolestemning og varm gjestfriheit.
VELKOMEN TIL GARDS!
TURPRIS
Dagstur kun kr 1.395,- per person
Arrangementet inkluderer:
Jolekonsert i Nystova hos Inger Lise Stulien
Joleboder med salsvarer på Syrtveit
God stemning og hyggjelege omgjevnader
Kulturelle opplevingar
Middag m/ dessert og kaffe på Evje
Erfaren sjåfør og heilturistbuss
Alle vegavgiftar og bompengar
Atterhald om skrivefeil og endringar som følgje av omstende utanfor vår kontroll.
Buss 1 – konsert kl 18.00
| Vanse, rutebilgården |
13:05 |
| Farsund rb.st. |
13:15 |
| Lyngdal Inn |
13:35 |
| Vigeland v/ CircleK |
13:50 |
| Mandal, Speidertomta |
14:00 |
| Søgne, Tangvall bussterminal |
14:30 |
| Kristiansand rutebilstasjon |
14:45 |
| Vennesla v/ drosjene |
15:10 |
| Hægeland v/ Esso |
15:40 |
| Evje rb.st. |
16:00 |
Buss 3 – konsert kl 16.30
| Grimstad, Øygårdsdalen |
13:05 |
| Lillesand, Gaupemyr |
13:20 |
| Kristiansand rb.st. |
13:45 |
| Evje rb.st. |
15:00 |
Risdal Touring legg opp til ei førjolsstund for bedrifter, vener, familiesamlingar og pensjonistar i koselege omgjevnader med god tradisjonell jolestemning og varm gjestfriheit. Med våre komfortable turbussar, kan vi hente deg nær der du bur. Ta kontakt med oss for meir informasjon og påmelding.
